BCN! Abraham - Día 1 e 2

Ola!

Son Abraham, do grupo de Xapón, e nas próximas entradas relatareivos a miña viaxe real a Barcelona. Comecemos!

O sábado 5 de abril estabamos todos moi nerviosos, tanto profesores como alumnos, pola inminente viaxe. Eramos uns corenta adolescentes con ganas de pasalo ben e afastarnos un tempo das clases e, por fin, ás 22:00 da noite, saímos de Salceda de Caselas para chegar ás 12:00 do día seguinte a Calafell.

Todos moi cansos á chegada a Calafell

O autobús non era moi espazoso, de feito chegamos a pensar que os asentos da parte traseira estaban máis xuntos que os da parte dianteira. Aínda así, non houbo moitos problemas de espazo debido a que algunhas persoas, me inclúo, deitámonos no corredor do bus para durmir.

Como é de supoñer, pasamos a noite en ruta, aínda que a viaxe se fixo levadeira porque houbo bastantes paradas en áreas de servizo e, ademais, tiñamos DJ propio que "amenizaba" o ambiente: Sergio, do grupo de Mónaco.

O domingo 6 de abril, dende que chegamos a Calafell e durante toda a mañá, nos aloxamos no Hotel Ramblas Miramar, e puidemos comprobar que compartiriamos estanza con anciáns moi simpáticos de todas as nacionalidades. Eu, persoalmente, compartín cuarto con Christian, do grupo de Australia, e Brais, do grupo de Brasil.

Detalle en todas as habitacións do hotel

Despois de xantar, a miña prima Andrea, do grupo de EE.UU., e máis eu, fomos dar unha volta polo paseo marítimo que estaba a un minuto do hotel. Primeira liña de praia!

A espectacular praia que estaba ao lado do hotel onde nos aloxabamos

Detalle no paseo marítimo

Pola tarde, fixemos actividades deportivas en Vilanova i la Geltrú moi variadas. Tivemos a oportunidade de facer unha xincana na praia, a cal englobaba retos como carreiras en kaiak e de sacos.

Os monitores explicándonos as actividades organizadas para ese día

Ademais, fixemos un circuíto en segway, un, atención, vehículo de transporte lixeiro xiroscópico eléctrico de dúas rodas con auto balanceo controlado por ordenador, o cal nun principio nos asustou un pouco, pero máis tarde nos desenvolviamos nel con total seguridade.

Noel Lee en segway saludando a Lady Gaga © mt3forum.net

Por último, tivemos un taller mariñeiro no que nos explicaron como preparar un barco de vela para ser botado, o cal nos serviu como preparatorio para o xoves 10, día no que iriamos a navegar.

Todos posando na praia despois da fantástica, aínda que cansa, xornada

Ata a seguinte entrada!

Partimos cara Barcelona! By: María e Marisé

223781658-Comezamos-explica-ndovos-o-principio-de-todo.docx by Mariachanchez

Excursión a Barcelona: Día 1. Versión dos ghuapos de Mónaco

 Día 1:

Tras unhas catorce horas de viaxe no autobús onde xa comezaba a ulir a adolescente, cuns asentos esaxeradamente incómodos, escoitando a música merengue de Sergio acompañado das voces do mesmo Sergio e o seu veciño da Feira Lois, aos profesores non se lles ocorreu mellor idea que ir á praia a facer unha gimcana, pero antes de nada fomos deixar as cousas ao hotel, cheo de anciáns estranxeiros.

As habitacións desgraciadamente non eran mixtas, cada profesor durmía nunha habitación diferente e os alumnos divididos en grupos de tres e nalgúns casos en grupos de dous ou de catro. Carlos Piñeiro durmiu cos seus amigos inseparables Carlos Pérez e Diego Pais. Sergio durmiu cos festeiros Lois e Jose, sen dúbida a habitación máis festeira e, casualidades da vida, ao lado da habitación de Chefa (a directora). E Rodrigo, o durmiñón, durmiu co home máis tranquilo que existe na face da terra, Junior (Fred), e tamén con Sergio Madarnás.

Nesa primeira tarde soleada fixemos o seguinte: o primeiro foi dividirnos en tres grupos, cada grupo facía unha actividade diferente e íamos rotando.

Un dos grupos facía “Segway”, un aparello moi divertido e innovador. 

Outro grupo facía a gimcana, que consistía en facer un percorrido no menor tempo posible con diversos obstáculos e xogos como por exemplo: carreiras de sacos, saltos de vaias e o noso favorito, o kaiak. Os nosos compañeiros José Castro Martínez e o seu primo Brais Estévez Martínez gañaron a gimcana e levaron unha medalla como premio.

Brais Estévez á esquerda xunto a Jose Castro

O último grupo facía “bautizo de vela”, que consistía nunha iniciación á vela, facendo nós, izando a vela e demais cousas para días máis tarde zarpar e navegar pola costa.

Ó finalizar fomos ao hotel e comprobamos o que nos esperaba nos vindeiros días; unha comida un pouco mala (como a da casa  ningunha) servida nunha vaixela sen lavar.

Aquí a nosa primeira foto de grupo: