4º día de excursión por Laura e Sandra

Despois dunha noite larga tivemos que madrugar como tódolos días. Tíñamos planeado ir ó CosmoCaixa pero os profes decidiron facer unha pequena parada no Nou Camp, xa que chegamos cedo a Barcelona. A parada foi de media hora máis ou menos. Non entramos dentro do campo, pero si puidemos estar nas tendas.

Arrancamos cara o CosmoCaixa, que é un Museo da Ciencia. Estaba moi ben, había un pouco de todo. Eu creo que a todos nos gustou bastante e nos impresionou! Ese día comemos nun buffet dentro do Museo pero a comida non pagaba moito a pena, iso si, os postres estaban boísimos!

Ó rematar deixáronnos tempo libre, cada un fixo o que lle deu a gana por alí fora. Estábase basatante ben tomando o sol... Como sempre, Rodrigo volveu aproveitar para durmir.

A nosa guía Eva, estaba fóra esperándonos para levarnos a outra visita guiada por Barcelona. Esta vez visitamos a Pedrera, pero non puidemos gozar moito dela xa que estaba tapada por obras. Tamén visitamos a casa de Gaudí, moi bonita. Antes de marchar para a Sagrada Familia fixémoslle a última visita as Ramblas, eu aproveitei para ir O Raval. Había exposicións de comida realmente incribles.

Agora tocábanos ir a Sagrada Familia, a verdade é que tíñamos moitas ganas xa que nos falaran tan ben dela. Quedáranse cortos, porque realmente era espectacular, e iso que aínda falta por construír. Había moitísima seguridade, ata nos revisaron as mochilas. Déronnos uns cascos, cousa que nos fixo moita graza, porque se cambiabas de número podías escoitar  outra guía en vez da nosa, era bastante gracioso.

Cando nos despedimos de Eva, quedamos en que no 2026 nos volveríamos ver, xa que nese ano inaugurarán a fachada principal.

Coma sempre, volvemos ao noso querido bus, con ganas de volver saír de festa. Esa noite foi igual, aínda que no pub había xente doutros institutos. Cando chegamos ao hotel cada un foi para o seu cuarto, pero houbo cambios, como case tódalas noites... 

Eu fun xogar as cartas con Carlos Piñeiro, Carlos Pérez, Nerea e Isa. O gracioso foi que Isa, ao perder, tivo que ir bailando e cantando polo corredor "Ei, macarena"... Chefa pillounos e díxonos se estabamos ben da cabeza!!! 

Sandra quedou na habitación dela facendo o parvo!

Relato do 4º día polos ghuapos de Mónaco

Día 4:

O mércores foi un día didáctico e cultural, xa que contou coa visita a varios museos e monumentos, entre eles a Sagrada Familia.

Despertámonos cansos debido ao esgotamento físico do día anterior, pero o almorzo no restaurante fíxonos recuperar enerxías. Entramos no autobús e fixemos unha parada  rápida polas aforas do Camp Nou!! Tamén visitamos a Tenda Oficial onde temos varias fotos.

Logo puxémonos en marcha cara ó CosmoCaixa, un centro adicado á ciencia. Unha vez alí andamos as nosas anchas vendo os diferentes artefactos e animais.

 
Carlos e Rodrigo teñen varias fotos no museo, aquí van:

Tamén visitamos un recinto situado na planta baixa do museo no que podías pasear rodeado de animais. Nese sitio ía calor, xa que había animais que necesitan un clima tropical. No museo había unha zona subterránea no que se podían observar serpes, formigas e diversos peixes.

Chegadas as 14:00 h da tarde todos nos diriximos ao restaurante do CosmoCaixa, no que comemos unha comida propia de ser humanos na que incluían de sobremesa unhas natillas Danet. Ó acabar de comer, demos un paseo polos arredores do restaurante, no que coñecemos xente de Valencia e descansamos nuns xardíns, mentres o sol batía nas costas e o tempo pasaba...

As 18:00 collemos rumbo ó monumento máis visitado de España, a Sagrada Familia.

  
Alí tivemos una guía turística que nos acompañou polo exterior e o interior do edificio, repleto de grúas por certo... A nosa guía dixo que a rematarían en 2026, quedando tal que así: 

Unha vez rematada a visita, volvemos ó noso hotel, e alí preparámonos, ceamos e fomos de festa ó Nicky´s. Estivemos ata as 2:00 máis ou menos e retornamos cansos ás habitacións sabendo que tiñamos poucas horas para durmir.