Chicas USA, día 2 en Barcelona ♥

Molt bones de nou!
Xa estamos de volta para seguir contándovos a nosa experiencia en Barcelona. Nesta entrada imos contarvos o noso segundo día alí. Imos alá! 

Día 2 en Barcelona, luns 7 de abril.

Ese día tiñamos que estar sobre as nove menos cuarto no comedor para almorzar.

Andrea levantouse antes que Iria, sobre as 8:15, xa que estaba demasiado cansa para ter que prepararse a esas horas da mañá. Laura segundo nos informou, ergueuse á mesma hora que Andrea aínda que nos as dúas temos as nosas dúbidas porque ela é moi vaga igual ca nós.

Cando chegamos abaixo aínda faltaba a gran maioría da xente polo que tivemos que esperar polos demais un bo rato. A verdade é que tiñamos moita fame e estabamos ansiosas polo almorzo. Ó chegar case todos os que faltaban, os profesores déronos permiso para entrar. A comida que nos ofrecían era do máis variada, dende uns bos ovos fritos ata unha peza de froita fresca. Nós optamos por coller algo lixeiro; unha cunca de café acompañada cun vaso de zume e uns croisans ou napolitanas minis. De todo o que probamos, o único que nos gustou foron os bolos xa que os zumes e os cafés/chocolates eran máis auga que outra cousa.

O plan previsto era pasar o día de visita no centro de Barcelona, polo barrio Gótico pola mañá, comer nun centro comercial na zona das Ramblas del Mar e xa pola tarde unha visita panorámica á Vila Olímpica.

Cando rematamos o almorzo, os profesores deixáronnos un rato para que fósemos a terminar de prepararnos. Nós baixamos un pouco máis tarde da hora acordada, aínda que de todas formas tivemos que esperar por algúns dos nosos compañeiros. Unha vez que xa estabamos todos, dirixímosnos ao bus no cal tivemos que estar cincuenta minutos para chegar a Barcelona e, como non, tivemos a Sergio e a Lois cantándonos os seus temazos todo o traxecto. 

Catedral de Barcelona.

Ao chegar, todo o mundo quedou atónito xa que a máis mínima cousa chamábanos a atención. O autobús deixounos nunha rúa que estaba situada ao lado das Ramblas. Tivemos que andar un chisco para atoparnos con Eva, a nosa guía turística. Foi a que  nos ensinou toda Barcelona ese día máis o mércores.

Comezamos a nosa visita polas rúas do barrio Gótico, no que vimos moitas cousas chulísimas. O primeiro que fomos ver foi a Catedral de Barcelona (que está adicada a Santa Eulalia) na Plaça Nova e unha vez alí, Eva explicounos a súa historia. A parte de vela por fóra, tamén tivemos o pracer de entrar. 
No interior puidemos gozar da súa arquitectura, a cripta onde se encontraba a patroa e o marabilloso claustro cun xardín cunhas cantas ocas e unhas palmeiras. 

Ao rematar a nosa visita a Catedral, seguimos vendo o barrio Gótico.  Pasamos pola Plaça de San Jaume, onde actualmente se encontra o Pazo da Generalitat Catalana e a sede do Concello de Barcelona; pola Plaça Real que era moi fermosa; vimos tamén a igrexa de San Felipe Neri que foi un dos escenarios da Guerra Civil, por último estivemos na Plaça do Rei e na capela de Santa Ágata (por fóra). Ao terminar a visita polo barrio Gótico, tomamos rumbo ás Ramblas. 

Final das Ramblas e
monumento a Colón

Naquela rúa tan longa, había tanta xente que era agoniante. Encontrámonos con moitos postos pequenos que vendían recordos, doces ou flores. Na parte que se une ó final das Ramblas coa Plaça de Colón, vimos que había dous mimos e, a verdade, e que foron os únicos que vimos porque, segundo nos explicou Eva, debíase a que o concello puxera unha estrita norma contra eles.

Xa na Plaça de Colón, atopamos o monumento a Colón que estaba no centro dunha rotonda. Naquela praza había moitos edificios importantes pero non houbo tempo de velos en profundidade xa que era hora de xantar.

Tivemos que cruzar as Ramblas del Mar para chegar ao noso restaurante que estaba no centro comercial Maremagnum. Puidemos gozar dun bufet libre no Restaurante Fresco, aínda que a maioría comemos pizza ou pasta porque estaba moi boa.

Ó rematar déronos un rato libre para descansar e fisgar polo centro comercial e os arredores. Dende aí tiñamos unhas vistas preciosas do mar e estábase de marabilla. Sobre as catro, dirixímosnos cara ao autobús para ir ao castelo de Montjuic. Para subir o cume do Montjuic onde se atopa o castelo, tivemos que andar unha terrible costa que nos deixou baldados. Dende arriba puidemos gozar dunhas marabillosas vistas panorámicas de todo Barcelona.
Ao baixar e subir ó autobús de volta o hotel, pasamos pola Vila Olímpica, polo Poble Espanyol e polo Estadio Olímpico Lluís Companys, entre outros. 

Cando chegamos déronnos un tempo para que puidésemos bañarnos e asearnos e máis tarde, baixamos cear. Ese día tampouco puidemos saír de troula pero deixáronnos algo de tempo libre así que fomos dar un paseo nocturno pola praia. Finalmente tivemos que ir cada un ós nosos cuartos xa que o día seguinte ía a ser moi movidiño e tiñamos que descansar.

Como Andrea emocionouse tirando fotos, decidimos colgalas nun vídeo de Youtube.



Ata aquí o noso segundo día por Barcelona, espero que vos gustase, estade atentos que pronto volveremos con máis entradas, adeu :)
  

Luns 7, Tamara e Cecilia visitan o centro de Barcelona

Puxéronos as 8:45 como hora para estar no comedor para almorzar, e as 9:30 subimos ó bus e marchamos cara o centro de Barcelona, onde nos atopamos con Eva, a guía que nos levou polas rúas da cidade. 

Catedral de Sta. Eulalia

Fomos cara a Catedral, a cal nos paramos a mirar por fóra. Dimos unha volta polas rúas de Barcelona, mirando as esculturas e edificios, e entramos na catedral por unha porta lateral. Ó saír, seguimos percorrendo as rúas barcelonesas e fomos parar ás Ramblas, que percorremos dende a metade cara abaixo, ata chegar ó final, onde se atopaba a estatua de Colón. Cruzamos uns pasos de cebra e chegamos ó porto, onde se parou a falar (a guía), e xa marchamos cara o centro comercial "Maremagnum" onde íamos xantar. 

Tamara e máis eu no Maremagnum

Ó rematar de comer déronos un rato libre, para dar un paseo polo centro comercial ou polos arredores. Algúns aproveitamos para facer compras ou para ir tirar fotos no porto. 

Despois deste pequeno descanso marchamos cara á Vila Olímpica, que vimos dende o bus, mentres a guía ía explicando todo ó que nos rodeaba. Por último, subimos a Montjuïc a pé, e ó chegar arriba tiramos fotos nun canón e entramos no castelo.

Algunhas fotos tiradas dende o alto de Montjuïc

Regresamos ó hotel, onde ceamos. Logo subimos a arranxarnos un pouco e nos deixaron ata ás 23:30 h para saír dar unha volta.

Jorge cóntanos o seu cruceiro polo Mediterráneo.

Día 1:

Tras catorce horas de autobús, por fin chegamos a Barcelona. Ata as catro da tarde non podiamos embarcar no cruceiro e tiñamos chegado as once da mañá, tivemos que facer tempo paseando polas Ramblas.

Tamén visitamos o Parque “Güell” e a Sagrada Familia, na que nos tería gustado entrar pero había moita cola e non tiñamos tempo como para estar a esperar, así que marchamos. A última hora, antes de subir o cruceiro, fomos a un centro comercial que estaba xusto ao lado do porto, e aproveitamos para facer unhas pequenas compras.

Cando por fin chegou a hora de subir ó barco, todos estabamos nerviosos por embarcar e poder descansar depois de tan larga viaxe. Unha vez dentro, fomos para os nosos camarotes para desfacer as maletas. Despois dunha sesta bastante larga xa era hora de cear, así que nos preparamos e alá fomos. Ao rematar fomos a unha discoteca do cruceiro. Despois duns bailes volvemos a os camarotes a descansar. Mallorca agardábanos!

BCN! Abraham - Día 4 e 5

Boas a todos!

O martes 8 de abril foi a nosa única visita da excursión a un espazo no medio da natureza: o Parque Natural do Delta do Ebro.

Parte do Delta do Ebro

Pola mañá, coñecemos a Carlos, o noso guía por un día, aínda que primeiro fixemos unha primeira parada nunha viliña próxima ao Delta. Como curiosidade, nunha tenda de lambetadas coñecemos á súa dependenta, provinte de Romanía, a cal nos explicou o turismo do lugar en verán e deixounos mexar na súa tenda. Que boa persoa!

Logo, chegamos ao Parque Natural do Delta do Ebro. Carlos mostrounos a súa localización e historia axudándose dun mapa nun cartel e, máis tarde, nun miradoiro, guiounos pola fauna e flora do parque.

Despois dunhas fotiños, arrancamos cara ao peirao para xantar de pícnic. Tras unhas horas, embarcamos no cruceiro fluvial.

Todos posando nunha parte do Delta do Ebro

Na ida explicáronnos todo o que se vía dende a cuberta: monumentos, praias, fauna, flora, clima, etc.

As vistas dende o cruceiro fluvial

E na volta, o mellor no que levabamos de día: sesión de música a todo volume na cuberta mentres bailabamos e cantabamos. Parecía unha escena dunha verdadeira película famosa!

Todos posando no cruceiro fluvial. Unha paradiña na festa!

Ademais, para rematar, este día foi o primeiro no que saímos pola noite. Quedaranos sempre no recordo o pub On! Sempre e a discoteca Nicky's!

O mércores 9 de abril foi a nosa segunda visita a Barcelona capital.

Empregamos toda a mañá no Museo da Ciencia CosmoCaixa. Eu, persoalmente, só ía ás exposicións coas que se podía interactuar, aínda que en xeral era todo moi entretido. Mesmo había un pequeno zoo! Ademais, comemos no buffete do museo.

Todos alucinando cun experimento do CosmoCaixa

Un dos profesores que nos acompañou na excursión

Pola tarde, fomos visitar o Camp Nou. Ao rematar de sacar unhas fotiños e comprar algúns recordos (para a familia, eu polo menos), tiramos cara a parte das Ramblas que non viramos o luns 7. Empregamos todo o tempo que nos deixaron para comprar máis recordos aínda e descansar un pouco.

Parte do Camp Nou

Para finalizar este día, visitamos a Sagrada Familia. O monumento máis bonito de Barcelona, xúrovos!

Exterior da Sagrada Familia

Interior da Sagrada Familia

Maqueta da Sagrada Familia finalizada

Tamén saímos de novo ao On! Sempre e ao Nicky's pola noite, esta vez con moitísima xente doutras provincias.

Ciao!

BCN! Abraham - Día 3

Ola de novo! Seguimos coa miña viaxe?

O luns 7 de abril foi a nosa primeira visita a Barcelona capital, e para aproveitar ben o día tivemos que madrugar. Moitos queixáronse, pero eu estaba contento: normalmente esperto ás 07:00h, espertarse ás 09:00h é un regalo! 

Ao chegar a Barcelona e apearnos na Praza de Cataluña, dirixímonos ao Barrio Gótico. Foi nese momento cando nos empezamos a estrañar de que houbese arte en todas partes. Segundo palabras da nosa guía, chamada Eva, os cataláns quixemos que foses pola rúa e te encontrases unha escultura, que tomases un xeado sentado en arte, que fose parte do teu día a día, algo común.

Unha escultura en medio dunha praza, mostra das palabras da guía

Xa alí, a nosa primeira parada foi a Catedral de Barcelona.

O campanario da Catedral de Barcelona

Detalle en frente da catedral por Picasso

Sorprendémonos de que dentro desta se criasen trece gansas por unha lenda catalá, pero oe, cousas máis raras fixeron os cristiáns.

As ocas da catedral

Eu posando dentro da catedral

Aquí acontecéronnos varias anécdotas. Primeiramente, a nosa guía non nos acompañou dentro, senón que explicounos todo o explicable sobre a Catedral fóra e logo quedouse esperando porque, pícara ela, así non nos facía falta pagar o ticket por grupo guiado. Ademais, se non fose porque unhas amigas se puxeron fulares e chaquetas nas pernas, non as deixarían entrar "por levar pantalóns demasiado curtos". Como dicía, as cousas raras dos cristiáns... Por último, hei de dicir que unha amiga miña chamada Ángela e eu nos perdemos e saímos pola porta equivocada, pero sorprendentemente, chegamos os primeiros xunto á guía. 

Despois da catedral, percorremos distintas rúas e prazas, entre elas unha onde explotara unha bomba na Guerra Civil.

Unha das prazas que visitamos

Outra das prazas que visitamos

Así, chegamos á Igrexa de Santa María del Mar. Persoalmente, gustoume máis que o primeiro monumento relixioso que visitamos porque esta igrexa tiña unha gárgola con forma de unicornio. Si, un unicornio. Máis tarde fixemos unha parada nunha rúa paralela á igrexa e sorpresa! Tomei un xeado de marihuana. Ademais comprei uns lentes de sol azuis, a xogo coas miñas mechas. 

A seguinte parada foi o último traxecto das Ramblas, onde compramos algúns recordos e contemplamos diversos mimos. Tamén bebemos da Fonte das Canaletas. Din que se bebes dela te namoras da cidade e acabas volvendo, a ver se é verdade!

Paseando polas Ramblas!

Algúns entraron no Mercado da Boquería, pero eu preferín seguir polas Ramblas e só vin a entrada deste.

Entrada ó Mercado da Boquería

Como última parada durante a mañá, admiramos o monumento de Colón e dirixímonos ao Maremagnum, un centro comercial no porto deportivo. Alí, comemos no buffete Fresco e aproveitamos para comprarnos algo nas tendas que había.

Detalle ó lado do Maremagnum

Posando no Maremagnum

Despois de comer e como última visita do día, fixemos unha visita panorámica pola Vila Olímpica e Montjuic, onde tiramos unhas fotografías impresionantes dende o seu castelo.

Detalle en Montjuic

Posando con Barcelona de fondo!

As espectaculares vistas dende o Montjuic

Ao chegar ao hotel estabamos cansos e queriamos durmir, pero os profesores fixéronnos dar un paseo xunto á praia con eles. Así, en canto entramos nos nosos cuartos fomos a cama e durmímonos axiña.

Ata a próxima!

Os Ghuapos de Mónaco: Día 2

Día 2:

O segundo día madrugamos (como todos os días) e fomos visitar Barcelona. Dirixímonos en primeiro lugar ao Barrio Gótico onde visitamos a Catedral de Barcelona, unha igrexa, diferentes prazas con monumentos de artistas actuais, as Ramblas, o Mercado da Boquería e a fonte de Canaletas para logo baixar ata o monumento de Colón e o porto deportivo.

Tras comer no restaurante Fresco de Maremagnum, onde nos puxemos ata as botas de pizza, xa que era buffet libre, e tras repousar a comida dando unha volta polo centro comercial do porto, fomos de novo ao bus do noso gran chofer Juanma para ir visitar a Vila Olímpica e o Castelo de Montjuic, aínda que a visita á Vila Olímpica foi un pouco bastante penosa, ao non poder baixar do bús.

Ao chegar ao hotel fomos cear a “exquisita” comida do hotel coa súa vaixela “ben lavada” (menos mal que puxeron pizza). 

Obrigáronnos a dar un paseo nocturno pola praia xunto co profesorado.

Ao acabar o paseo e chegar ó hotel, despois de quilómetros e quilómetros nas nosas pernas, o cansazo xa pesaba no lombo polo que caemos rendidos na cama. 

As rapazas viaxeiras de Dubai coñecen Barcelona

Día 7:

Como todos os días espertamos as 8.30 da mañá e baixamos a almorzar  coa compaña dos anciáns aloxados no hotel. O acabar dirixímonos no noso autobús cara Barcelona. A nosa primeira parada foi para facer un percorrido polo Barrio Gótico, comezando pola visita á Catedral que está adicada á patroa de Barcelona que é Santa Eulalia. Xa no interior, a nosa guía explicounos moitas cousas interesantes sobre este lugar.

Despois fomos camiñando por diferentes rúas contemplando os monumentos importantes e as esculturas modernistas.

Tamén estivemos na Generalitat de Cataluña, a continuación demos un paseo polas Ramblas. A famosísima rúa de Barcelona  é un lugar cheo de tendas de souvenirs, e artistas de rúa así como de moitísimos turistas. Tamén vimos o Gran Teatre del Liceu que é un Teatro de Ópera moi importante que xa sufriu dous incendios.

Ao final desta rúa atópase a Praza de Colón e a fermosura do Mar Mediterráneo.

Cando nos dirixíamos ó Porto Deportivo quedamos abraiados coa inmensa cantidade de cruceiros, iates e barcos que alí había. Ó pé do mar estaba construído un enorme centro comercial o MareMagnum. Neste centro comercial atópase o restaurante Fresco MareMagnum onde degustamos un bufete libre. Por certo, a comida estaba boísima!!!!

Ao rematar de xantar deixáronos tempo libre e algúns fomos de compras.

As 16.30 estabamos todos no autobús ascendendo cara o monte Tibidabo, o punto máis alto da cidade.

Tras unha pequena parada para gozar das vistas subimos andando por unhas interminables escaleiras que chegaban ata o pé do castelo do cal a nosa guía nos explicou moitas cousas. Accedemos ao seu interior e subimos á azotea do castelo dende onde as vistas  eran aínda máis espectaculares.

 
Deseguido subimos ao autobús e percorremos a Vila Olímpica, un lugar espectacular e moi grande no que se celebraron os Xogos Olímpicos no ano 1992.

Antes de regresar fixemos unha pequena parada nas Ramblas para mercar agasallos. Moitos fomos comprar ao famosísimo Café Hard Rock.

Á noite chegamos ó hotel cansos de tanto camiñar, démonos unha ducha e baixamos cear para logo ir tirar fotos á praia. E logo a durmir.....

Paseíño por Barcelona de Marisé e María

Hoxe ímosvos contar as anécdotas do segundo día da viaxe. Relataremos as nosas aventuras  e intentaremos que vexades Barcelona a través dos nosos ollos.

Chegou o segundo día da viaxe e polo tanto tocaba erguerse cedo, estabamos realmente cansos, xa que o día anterior tiveramos a xincana e déramos unha curta voltiña por Calafell despois de cear. Aínda así, estabamos moi ilusionados por coñecer, por fin, a cidade.

Subímonos ao bus e comezamos o camiño ata Barcelona. Os plans para ese día eran visitar as Ramblas, o Barrio Gótico e a Catedral, todo iso acompañados dunha guía catalá.

Demos o paseo polas Ramblas admirando as construcións máis destacables e gozando coas impresionantes estatuas viventes. Visitamos o Mercado de "La boquería", moi bonito, con froitas de todos os países, de todas as formas e cores, tamén tiñan expostas grandes figuras feitas con distintos tipos de chocolates. Aí enchemos todos o bandullo a máis non poder, eu creo que saímos de alí con 6 kilos de máis cada un. Os produtos tiñan tan boa pinta que desexabas telo todo nas mans. 

Estivemos tamén na fonte de Canaletas donde se atopa a escultura na honra aos castellers. Por certo, un neno que pasaba en bicicleta comeuse de cheo un dos barrotes da escultura; todos intentamos non rir pero non o conseguimos.

Tamén nas Ramblas, descubrimos o mosaico de Joan Miró que hai no chan e, por último, estivemos  na estatua de Colón, que se atopa ao final das Ramblas.

Baixamos ata chegarmos ao porto, cos seus xardíns, o seu mar, os seus mil barcos enormes e o Maremagnum. A paisaxe era fermosa, respirábase tranquilidade e se estaba de marabilla. Camiñamos polo porto, morrendo de envexa ao ver aqueles tremendos iates.

Nolas dúas íamos cos nosos amigos: Sebi, Héctor, Lois, Óscar, Mar e Isa, que cuadrilla! Poderíase dicir que eramos o mellor de cada casa ou de cada instituto neste caso, ou sexa, os trastes da excursión, pero sempre lle dábamos un pouquichiño de alegría a todo e sen facer nada malo (que se saiba). Percorremos cada un dos recunchos, tiramos fotos e fixemos o parviño durante toda a hora libre. 

Despois dun delicioso almorzo no Maremagnun, tirámonos a descansar nos xardíns para deixar facer a dixestión tranquilamente e relaxármonos antes de subir ao bus e facer unha visita panorámica á Vila Olímpica, que se atopa no distrito de Sant Martí e de subir ao precioso mirador do Montjuic.

Ao ser unha viaxe en bus, moitos quedábanse durmidos e non se decataban de nada. A coitada da guía de vez en cando falaba soa. Nós, que permanecíamos despertas, gozamos da zona, observamos as dúas caras da Vila Olímpica; a cara familiar, que recordaba o pasado da cidade e outra máis moderna. 

Tras este día tan produtivo toca chegar ao hotel, pórse moi guap@s todos para saír pola noite e baixar a cear. Despois de cear fomos a dar un paseo cada un cos seus amigos.Onde por certo atopamonos unha dispensadora con todo tipo de productos farmaceuticos, dende termometros, ata babeiros para os bebés.