Salcedenses por Xapón

Somos Rubén Pérez Romero e Kevin Iglesias Pereira e imos presentar o destino da nosa viaxe: Xapón que é un arquipélago situado no leste de Asia. Escollémolo por descarte, xa que os outros continentes xa estaban elixidos. Estivemos dubidando entre China e Xapón, pero finalmente decantámonos por Xapón pola súa cultura, historia, arte e lingua.

Xapón significa Terra Do Sol Nacente por iso na súa bandeira hai un circulo bermello que representa o Sol.

Temos pensado visitar algunhas cidades de Xapón como Tokio, Osaka, Kioto, Nagasaki e Fukushima ( temos curiosidade por ver como vai a  recuperación despois do terremoto do ano 2011). 

                                                  

Tamén queremos ver algúns templos relixiosos como o de Itsukushima, o de Zenkoji  e o de Honmonji, xa que transmiten a súa cultura e arte. Gustaríanos aproveitar para practicar algúns deportes típicos como kung-fu, karate e taekwondo (alí non reina o fútbol) e, para gozar da natureza pensamos visitar o Parque Nacional mais grande de Xapón chamado Daisetsuzan que consta de varios sistemas montañosos, volcáns, lagos pintorescos e densos bosques e, como non, o monte Fuji.