"Ladies and gentlemen, Japan!"

Boas de novo! Esta vez Isa, Bárbara e Abraham vos imos presentar brevemente Xapón, dende a súa situación xeográfica ata a súa historia.

Xapón é unha illa nación da costa leste de Asia situada no océano Pacífico, que limita ao oeste co mar de Xapón, China, Corea do Norte, Corea do Sur e Rusia, ao norte co mar de Ojotsk e ao sur co mar de China Oriental e Taiwán.

Mapa de Xapón © es.wikipedia.org

Está formado por catro illas principais (Honshu, Shikoku, Kyushu e Hokkaido) e unhas 4.000 illas máis pequenas, abarcando en total uns 3.000 km de norte a sur e unha extensión de 377.835 km2.

O seu idioma oficial é o xaponés, o ainu e a familia das linguas ryukyuenses (aínda que as dúas últimas con perigo de desaparición pola súa posición marxinal) e tamén é común o coreano e o chino entre outras. A súa moeda é o yen (abreviado JPY e representado ¥), equivalente a 0’00718€, e o seu sistema de goberno é unha monarquía parlamentaria con Akihito como Emperador e Shinzo Abe como Primeiro Ministro.

E por último, vos deixamos cun libriño creado por nós en issuu onde poderedes informarvos sobre a complicada e guerreira historia do país nipón.